Монгол Улсын Ерөнхийлөгч Ухнаагийн Хүрэлсүх 2025 оны 12 дугаар сарын 01-03-ны өдрүүдэд Бүгд Найрамдах Итали Улсад төрийн айлчлал хийж байна. 

Энэхүү айлчлалын багт аймгийн Засаг дарга Б.Цэрэннадмид багтаж, Бүгд Найрамдах Итали Улсын Анакапри хотын Захирагч Франческо Черрота нар урлаг, соёл, боловсрол, аялал жуулчлал, мал аж ахуйн бүтээгдэхүүний үйлдвэрлэл болон бусад чиглэлүүдээр хамтран ажиллахаар харилцан ойлголцлын “Санамж бичиг”-т гарын үсэг зурлаа.

Мөн тус улсын Ловэрэ хотын захирагч Клаудиа Такколинитай албан ёсны хамтын ажиллагааг эхлүүлэх “Эрмэлзлэлийн захидал”-д гарын үсэг зурснаар Архангай аймгийн гадаад хамтын ажиллагаа шинэ түвшинд хүрч, цаашдын түншлэлийн боломжийг нээлээ.