ЕВРОПЫН ХОЛБООНЫ ITDM ТӨСЛИЙН ХҮРЭЭНД “ГАЗАР ЗҮЙН ЗААЛТ-БҮС НУТГИЙН ХӨГЖИЛ” СЭДЭВТ СУРГАЛТЫГ ЗАВХАН АЙМАГТ ЗОХИОН БАЙГУУЛЖ БАЙНА

Монгол Улсын Засгийн газрын хэрэгжүүлэгч агентлаг Оюуны өмчийн газраас Европын холбооны санхүүжилтээр “Газар зүйн заалт-бүс нутгийн хөгжил” сургалтыг Улиастай хотноо зохион байгуулж байна.

Газар зүйн заалт нь тодорхой орон нутгийн үйлдвэрлэгчдийн мэдлэг, ноу-хауд тулгуурлан, тухайн газар нутгийн байгалийн болон хүний хүчин зүйлийн нөлөөгөөр бий болсон өвөрмөц шинж чанар бүхий бүтээгдэхүүний нэрийг хамгаалах оюуны өмчийн эрх юм. 

Энэхүү сургалтын зорилго нь газар зүйн заалт, түүний бүс нутгийн хөгжилд үзүүлэх үүрэг нөлөөг ойлгуулж, газар зүйн заалтаар бүртгүүлэх боломжит бүтээгдэхүүнийг танилцуулах юм.

Сургалтад холбогдох албан хаагчид, нутгийн онцлогтой бүтээгдэхүүн үйлдвэрлэгчид, тариаланчид хамрагдаж байна.