Улаанбаатар, 2025 оны наймдугаар сарын 18 /МОНЦАМЭ/. Улсын хэмжээнд өнгөрсөн долоо хоногт аюулт үзэгдэл, ослын 61 удаагийн дуудлага бүртгэгдсэн байна. 

Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэж, 55 хүний амь аварч, тусламж үзүүлжээ. Нийт дуудлагын 46 нь объектын, гурав нь ой хээрийн гал түймэр, ес нь хүний үйл ажиллагаатай холбоотой байсан бол газар хөдлөлт, хүчтэй салхи шуурга, үер усны дуудлага тус бүр нэг бүртгэгдсэнийг ОБЕГ мэдээллээ.