loader
HuduuMN
Монгол улсын
засгийн газар

Баянхонгор: БҮГД НАЙРАМДАХ БЕЛАРУСЬ УЛСЫН ГОМЕЛЬ МУЖТАЙ ХУДАЛДАА, ЭДИЙН ЗАСАГ, ШИНЖЛЭХ УХААН, ТЕХНИК, СОЁЛ, ХҮМҮҮНЛЭГИЙН САЛБАРТ ХАМТРАН АЖИЛЛАНА

Монгол Улсын Ерөнхийлөгч У.Хүрэлсүхийн БНБУ-д хийж буй Төрийн айлчлал үргэлжилж байна. Айлчлалын хүрээнд талууд хэлэлцээр хийж, хамтран ажиллах гэрээг үзэглэв. 

“Худалдаа, эдийн засаг, шинжлэх ухаан, техник, хүмүүнлэгийн болон соёлын салбарт хамтран ажиллах тухай Монгол Улсын Баянхонгор аймаг болон Бүгд Найрамдах Беларусь Улсын Гомель муж хоорондын хэлэлцээр”-т Баянхонгор аймгийн Засаг дарга Эрдэнээгийн Энхбат, Бүгд Найрамдах Беларусь Улсын Гомель мужийн Гүйцэтгэх хорооны дарга Иван Крупко нар гарын үсэг зурав.

Хэлэлцээрийн хүрээнд талууд аж үйлдвэр, хөдөө аж ахуй, тээвэр логистик, боловсрол, соёл урлаг, аялал жуулчлал, байгаль орчны салбарт хамтран ажиллаж, бизнес эрхлэгчдийн шууд харилцаа, хамтарсан үйлдвэр, үзэсгэлэн яармаг, хөрөнгө оруулалтын төслийн мэдээлэл солилцох юм. 

Энэхүү хэлэлцээр нь орон нутаг хоорондын шууд харилцааг өргөжүүлж, харилцан ашигтай хамтын ажиллагааны шинэ боломжуудыг нээхэд чиглэж байна

Баян-Өндөр сум: ХОЁР ДУГААР БАГТ ҮҮРЭН ХОЛБООНЫ СҮЛЖЭЭ, ИНТЕРНЕТ НЭВТЭРЛЭЭ

Баянхонгор аймгийн Баян-Өндөр сумын хоёрдугаар багийн нутаг дэвсгэр, Ямаат уулын орой дээр үүрэн холбооны Мобикомын сүлжээний станцыг байгууллаа.

Тус станцыг сумын орон нутгийн хөгжлийн сангийн 450,0 сая төгрөгийн төсөвт өртгөөр “Нью Оптик” ХХК барьж гүйцэтгэжээ. 

Үүрэн холбооны сүлжээ, интернет сүлжээний барилга байгууламжийг энэ сарын 08-ны өдөр ГХБХБГ-ын дарга Д.Алтангэрэлээр ахлуулсан улсын комисс хүлээн авсан байна

НАРКОЛОГИЙН ТӨВИЙН БАРИЛГЫН ГҮЙЦЭТГЭЛ 80 ГАРУЙ ХУВЬТАЙ ҮРГЭЛЖИЛЖ БАЙНА

Баянхонгор аймгийн Шинэ суурьшлын бүсэд улсын төсвийн хөрөнгө оруулалтаар байгуулж буй "Наркологийн төв"-ийн барилгын гүйцэтгэлтэй Шүүхийн шийдвэр гүйцэтгэх Ерөнхий газрын дэд дарга бөгөөд Хорихоос өөр төрлийн ял эдлүүлэх албаны дарга, хурандаа Г.Цэргийнхүү танилцав. 

Спорт талбай, ногоон байгууламж зэргээр иж бүрэн цогцолбор байдлаар байгуулах Наркологийн төв нь зураг төсвийн хүрээнд зоорийн давхартайгаа 4 давхар барилга. 

Гүйцэтгэгч "Итгэлт тайж" ХХК-иас төлөвлөгөөт ажлаа шуурхай явуулж байгаа бөгөөд ирэх онд ашиглалтад оруулна. 

Хууль зүй, дотоод хэргийн сайдын эрхлэх асуудлын хүрээнд тус төвийг баруун бүсийн хэмжээнд үйл ажиллагаа явуулуулахаар төлөвлөж байгаа бөгөөд холбогдох эрх зүйн орчныг бүрдүүлэхэд баримт бичгийн бүрдүүлэлтийг анхаарч ажиллах, түүнд ажиллагсадыг томилгоожуулах, эм, эмнэлгийн хэрэгслийг төсөвт суулгуулах зэрэг ажлыг орон нутаг, ЭМЯ, Шүүхийн шийдвэр гүйцэтгэх байгууллагаас хамтран хэрэгжүүлэх юм. 

“Шинэ хоршоо хөдөлгөөн” өрнөж эхлээд нэг жил гаруйн хугацаа өнгөрч байна. Энэ хугацаанд салбар дундын уялдаа холбоог хангах, бодлогын түвшинд зохицуулалт хийх чиглэлээр Үндэсний хороо дараах ажлуудыг хэрэгжүүллээ.

Баянхонгор аймгийн хоршоологчид 4,1 тэрбум төгрөгийн зээлийн эргэн төлөлт хийлээ. 

"Шинэ хоршоо хөдөлгөөн"-ий хүрээнд тус аймгийн хоршоонд нэгдсэн 1905 малчин 55,5 тэрбум төгрөгийн хөрөнгө оруулалтын зээл авсан. Одоогоор тус аймагт  "Шинэ хоршоо хөдөлгөөн"-ий хүрээнд олгосон нийт зээлээс хугацаа хэтэрсэн болон чанаргүй зээл бүртгэгдээгүй байна.

ХОРШОО ХӨГЖҮҮЛЭХ САНГААС ЗЭЭЛ АВАХ ХҮСЭЛТТЭЙ ХОРШООДЫН МАТЕРИАЛЫГ ХҮЛЭЭН АВЧ БАЙНА.

Баянхонгор сумын Хоршоо хөгжүүлэх сангийн зээлийн хүсэлтийн материалыг 2025.10.01-2025.11.01 хүртэлх хугацаанд хүлээн авна.

Дэлгэрэнгүй мэдээллийг Баянхонгор сумын ЗДТГ-ын Хүнс, жижиг дунд үйлдвэрлэл, хоршоодын асуудал хариуцсан мэргэжилтэн Б.АЛТАНСҮХ-тэй холбогдож авна уу! /Утас:85515811/

Мөн доорх https://legalinfo.mn/mn/detail?lawId=16389812711221 ... линкэр орж төслийн журамтай танилцана уу!

Баянхонгор аймаг нь 1941 онд үүсэн байгуулагдсан 20 сум, 26800 өрхийн 90 гаруй мянган хүн амтай. Баянхонгор аймаг нь хот тохижилт, ногоон байгууламж, гэрэлтүүлэг үлэмж сайтай. Хүүхэд багачууд, идэр залуус, ахмад буурлуудын амьдрах, ажиллах, сурах, чөлөөт цагаа өнгөрүүлэх, хөгжин дэвших бүх талын боломж, орчин нөхцөл сайтар бүрдсэн өдрөөс өдөрт өргөжин тэлж буй өнгөлөг залуу хот юм. МУЗГ-ын “Шинэ сэргэлтийн бодлого”-ын хүрээнд хот хөдөөгийн тэнцвэрт байдлыг хангахад томоохон төсөл, төлөвлөлтийн ажлуудаа уяж холбон, илүү далайцтай үр ашгийг тооцоолон, шилжин суурьшигчдаа хүлээж авахаар гүйцэтгэлээ төлөвлөн “НЭЭЛТТЭЙ БАЯНХОНГОР” аймаг болсноо зарлалаа.