Монгол Улсын Засгийн газраас 2026 онд баримталж ажиллах нийгэм эдийн засгийн болон салбарын бодлогын талаар нийслэл дүүрэг, 21 аймаг, 300 гаруй сумын удирдлагуудад нэгдсэн ойлголт өгөх цахим уулзалт боллоо. 

Өмнө нь зөвхөн аймаг, нийслэлийн удирдлагуудын хүрээнд мэдээлэл солилцдог байсан бол энэ удаад аймаг, нийслэл, сум, дүүргийн удирдлагууд, хэлтэс, агентлагийн дарга, ажилтнуудад нэгдсэн байдлаар мэдээлэл өглөө. 

Эдийн засгийн өсөлтийн үр өгөөжийг иргэдэд хүртээмжтэй хүргэж, иргэдийн орлогыг хамгаалах, бизнесийн таатай орчныг бүрдүүлэх, төрийн оролцоог оновчтой байлгах, макро эдийн засгийн тогтвортой өсөлтийг дэмжихэд чиглэсэн арга хэмжээний төлөвлөгөөг хэрэгжүүлэхэд орон нутгийн удирдлагуудын идэвх оролцоо чухлыг Ерөнхий сайд онцлон хэллээ.