Алтай нутгийн хүүхэд багачууд 5 дахь жилдээ Дэлхийн хуримтлалын өдрийг тэмдэглэхээр "Хамтдаа хуримтлуулж ирээдүйгээ бүтээцгээе" уриан дор хэрэгжих "Дэлхийн хуримтлалын өдөр 2023" аяны нээлтийг Мазаалай театртаа хийлээ. Монголбанк, ХААН Банк, ХасБанк, Төрийн банкны Говь-Алтай аймаг дахь салбарууд холбогдох бусад байгууллагуудтай хамтран 2023 оны 10 дугаар сарын 05-ны өдрөөс 31-ний өдрийг дуустал зохион байгуулах аяны хүрээнд аймгийн төв төдийгүй 17 сум, 2 тосгоны ЕБС-ийн сурагчид, багш, эцэг эхийн хамт Хуримтлал, хувь хүн, өрхийн санхүүгийн төлөвлөлтийн талаарх мэдлэгээ нэмэгдүүлж, хуримтлал, хадгаламжаа өсгөх олон арга хэмжээнд оролцох юм. #WorldSavingsDay_2023