Монгол Улсын Ерөнхийлөгчийн ивээл дор ерөнхий боловсролын сургуулиудын дунд зохион байгуулагдах “Мөрөөдлийн гоол-2024” зүүн бүсийн тэмцээн 4 дүгээр сарын 24, 25-ны өдрүүдэд Хэнтий аймгийн Чингис хотод зохион байгуулагдана. Энэхүү тэмцээнд Хэнтий, Дорнод, Сүхбаатар, Дорноговь, Говьсүмбэр аймгийн шилдэг 20 баг өрсөлдөхөөр болсон бөгөөд багууд өнөөдөр Хэнтий аймагт ирж техникийн зөвлөгөөндөө оролцлоо. Тэмцээн маргааш 9 цагт төв цэнгэлдэх хүрээлэнд эхэлнэ.