БОУАӨЯ-ны Салбарын хяналтын газрын дарга, салбарын ерөнхий байцаагчийн баталсан “Агаар бохирдуулагч эх үүсвэрүүдэд урьдчилан сэргийлэх хяналт шалгалт хийх тухай” удирдамжийн дагуу Арвайхээр суманд дулаан үйлдвэрлэлийн үйл ажиллагаа явуулж байгаа 8 аж ахуй нэгж байгууллагын 13 дулаан үйлдвэрлэгч объектод 2025.02.17-оос 3 сарын 12 хүртэл хугацаанд урьдчилан сэргийлэх хяналт шалгалт хийлээ.

Хяналт шалгалтаар

Эзэмшиж буй газартаа орчин бохирдуулсан, дулаан үйлдвэрлэлээс гарч байгаа үнсний хаягдлыг ил задгай хаясан, хогоо ангилан ялгадаггүй,

Ахуйн хог хаягдал цуглуулах зориулалтын савгүй, хашаа, хамгаалалт хангалтгүй, 

Байгаль орчинд нөлөөлөх байдлын ерөнхий үнэлгээ, байгаль орчны менежментийн төлөвлөгөөг хэрэгжүүлдэггүй, тайлангаа хугацаанд нь хүргүүлж баталгаажуулаагүй, 

Агаар хөрсний шинжилгээ хийлгэж сөрөг нөлөөллийг бууруулах арга хэмжээ авдаггүй, 

Эзэмшил газрынхаа 10 хувиас доошгүй талбайд ногоон байгууламжгүй зэрэг нийтлэг зөрчил илэрсэн тул 6 аж ахуй нэгж байгууллагад Зөрчлийн тухай хуульд заасны дагуу торгуулийн арга хэмжээ авч, 1 аж ахуй нэгж байгууллагад зөрчлийн хэрэг нээн шалган шийдвэрлэх ажиллагаа явагдаж байна. 

Дулаан үйлдвэрлэх үйл ажиллагаанд хэрэглэж байгаа түүхий нүүрс, гарч байгаа үнсний хаягдлыг гадна орчинд тархах,  хийсэхээс сэргийлж ачиж зайлуулах хүртэлх хугацаанд хадгалах битүүмжлэлтэй агуулах савтай болох, 

Объектийн эзэмшил газрыг битүү хашаа, хамгаалалтыг сайжруулах зэрэг илэрсэн зөрчил арилгуулах улсын байцаагчийн хугацаатай албан шаардлага хүргүүллээ.

Хяналт шалгалт сумдын дулаан үйлдвэрлэгч байгууллагуудад үргэлжлэн хийгдэнэ.