Олон улсын "Алтаргана 2024" наадмын ажлын явцтай танилцахаар ОХУ-ын Буриад улсын Засгийн газрын төлөөлөгчид Соёлын хорооны дарга Наталья Попова, Спортын сайдын орлогч Эрдэм Биликтуев, Буриадын тэргүүний хөтөлбөрийн дарга Ренана Деханова, “Aist Global” телевизийн техникийн захирал Ефремов Дмитрий Андреевич, ерөнхий редактор Туяна Лыгдынова нар манай аймагт ажиллаж байна. Ажлын хэсгийн хамт олон наадмын хүрээнд зохион байгуулагдах тэмцээн уралдаан болох газар, зал танхимтай танилцаж нарийвчилсан хөтөлбөрт санал бодлоо тусгах юм.