Дарханы залуус адуунд эрэмгий, авхаалж самбаатай гэдгээ батлан харуулсан Аймгийн Засаг даргын нэрэмжит аймгийн аварга шалгаруулах “Адуучин” тэмцээн Орхон сумын наадмын талбайд амжилттай зохион байгуулагдлаа. 

Аймгийн Засаг дарга Б.Азжаргал тус тэмцээнийг ирэх жил Хонгор суманд зохион байгуулахаар төлөвлөж буйгаа онцлоод, шагналын санг 20 сая төгрөг болгон нэмэгдүүлэхээ илэрхийлсэн юм. 

Тус тэмцээний 

1-р байранд Сэнгэнээгийн Замбиш /Шарын Гол сум/ 

2-р байранд Бямбасүрэнгийн Бямбадорж /Хонгор сум/

3-р байранд Хаянхярваагийн Буянтогтох /Хонгор сум/

4-р байранд Гэрэлийн Пүрэвдорж /Хонгор сум/ 

5-р байранд Батзаяагийн Галбадрах тус тус шалгарлаа.

Монгол түмний бахархал болсон адуун сүргээ эрхлэн хайрлаж, түүх уламжлалаа өвлүүлэн хадгалж яваа бүх адуучдадаа талархал илэрхийлье.