Өнөөдөр/2025.04.02/ агентлаг, байгууллагын дарга нартай цаг үеийн ажлын талаар болон Монгол Улсын бүсчилсэн хөгжлийн бодлогын хэрэгжилтийг эрчимжүүлэх, хийж хэрэгжүүлж байгаа ажлаа танилцуулах, тэдний санал, хүсэлтийг хүлээн авч хэлэлцэн шийдвэрлэх зорилгоор аймгийн зарим удирдах ажилтны нэгдсэн уулзалтыг зохион байгууллаа.
Уулзалтад аймгийн ИТХ, Сумын ИТХ-ын дарга, сумын Засаг дарга, аймгийн Засаг даргын эрхлэх асуудлын хүрээний болон тусгай чиг үүргийн агентлаг, байгууллага, сургууль, цэцэрлэгийн дарга, эрхлэгч, бусад аж ахуйн нэгж, байгууллагын удирдлагууд оролцлоо.
Монгол Улсын Шадар сайдын 2025 оны 03 дугаар сарын 14-ний өдрийн 35 дугаар тушаалаар “Бүс нутгийн хөгжлийг дэмжих талаар төрөөс баримтлах бодлогыг хэрэгжүүлэх ажлыг зохион байгуулах, бүсийн нийгэм, эдийн засгийн хөгжлийн асуудлыг зохицуулах, чиг үүрэг бүхий Говийн бүсийн зөвлөл”-ийн даргаар Дорноговь аймгийн Засаг дарга томилогдож, бүсийн зөвлөгөөнийг зохион байгуулахтай холбогдуулан аймгийн Засаг даргаас цаг үеийн асуудлаар үүрэг чиглэл өглөө.
