Өнөөдөр /2024.11.14/ Нутгийн өөрөө удирдах байгууллагын ес дахь бүрэн эрхийн хурал бүрэн эрхээ хэрэгжүүлж эхэлж байгаатай холбогдуулан сумдын ИТХ-ын төлөөлөгчдийг чадавхжуулах сургалтыг Сайхандулаан суманд зохион байгуулж Мандах болон Сайхандулаан сумын 25 төлөөлөгчийг хамрууллаа.
Тус сургалтын ажлын хэсгийг аймгийн ИТХ-ын нарийн бичгийн дарга Ц.Батсугир ахлан ажлын хэсгийн бүрэлдэхүүнд Бодлогын хэрэгжилт, иргэний оролцооны хэлтсийн дарга Б.Гантөмөр, Хууль эрх зүй, хяналт-шинжилгээ үнэлгээний хэлтсийн дарга Л.Цэцэгдарь, Аймаг дахь Төрийн аудитын газрын аудитын менежер У.Оюунтүлхүүр, Байгаль орчны газрын Хяналтын улсын байцаагч Э.Одпүрэв нар чиг үүргийн дагуу холбогдох эрх зүйн мэдээллийг өгч ажиллалаа.
