МЕДИКАЛ РЕСУРС ХХК-ИЙН ЗАХИРАЛ, МУГЖ М.БАЯРМАГНАЙ ДУНДГОВЬ АЙМГИЙН НЭГДСЭН ЭМНЭЛЭГТ GENRUI FA-50 ИММУНОЛОГИЙН АНАЛИЗАТОР АППАРАТ ХАНДИВЛАЛАА

“Медикал ресурс” ХХК-ийн захирал, МУГЖ М.Баярмагнай Дундговь аймгийн Нэгдсэн эмнэлэгт Genrui FA-50 иммунологийн анализатор аппаратыг хандивлалаа.
Тус FA-50 аппарат нь:
- Иммунологийн бүх төрлийн шинжилгээг хийх боломжтой
- Даавар, хавдрын маркер, Витамин D, цусан дахь сахарын 3 сарын дундаж, цус багадалт, зүрх судасны өвчин, үрэвслийн үзүүлэлт зэрэг нийт 33 төрлийн шинжилгээг гүйцэтгэхээс гадна ашиглахад хялбар, энгийн ажиллагаатай, хурдан, баталгаатай, олон төрлийн шинжилгээ хий, эрсдэлгүй, найдвартай тоон хариу гаргадаг байна.
Энэхүү аппараттай болсноор иргэд шаардлагатай шинжилгээгээ орон нутагтаа түргэн шуурхай авах нөхцөл бүрдэж байна.
Эрүүл мэндийн салбарт үнэтэй хувь нэмэр оруулж буй “Медикал Ресурс” ХХК болон захирал, МУГЖ М.Баярмагнайд нийт хамт олны зүгээс чин сэтгэлийн талархал илэрхийлье.
Мөн энэхүү аппаратыг Баянхонгор, Ховд, Говь-Алтай, Сэлэнгэ, Орхон аймгийн сумдын эмнэлгүүд ашиглаж эхлээд байгаа юм.