Бүгд Найрамдах Солонгос Улсын Бусан хотноо зохион байгуулагдсан “Судалж хөгжье” олон улсын эрдэм шинжилгээний хуралд Өмнөговь аймгийн УЦУОШТөвийн синоптик инженер Н.Зулсар аймгийн Засаг даргын үйл ажиллагааны “Өсөлттэй Өмнөговь” хөтөлбөрийн хүрээнд хэрэгжүүлж буй “Хөгжлийн гүүр” хөтөлбөрөөр аймгаа төлөөлөн оролцлоо.

Тус эрдэм шинжилгээний хурал нь залуу судлаачид, магистр, докторын түвшинд суралцагчид болон эрдэм шинжилгээний салбарын мэргэжилтнүүдийн судалгааны ажлын үр дүнг шинжлэх ухаанд суурилсан арга зүйгээр үнэлж дүгнэх, харилцан туршлага солилцох, цаашдын судалгаа хөгжүүлэлтийг дэмжих зорилготой юм.