ЗЭЛТЭР САА-ТҮШИГ СУМЫН ТҮҮХТ 100 ЖИЛИЙН ОЙ ТОХИОЖ БАЙНА. ✅Атар газар эзэмших их аяны хүрээнд газар газрын залуусын хүсэл зоригоор үүсэн байгуулагдсан Зэлтэрийн САА буюу Түшиг сумын үүсэн байгуулагдсан түүхт 100 жилийн ой энэ цаг мөчид тохиож байна. Нэгэн зууны түүхээ нэр төртэйгөөр бүтээж яваа Түшигчүүддээ аймгийн Засаг даргын орлогч Ж.Сайнцог баяр хүргэн мэндчилгээ дэвшүүлж, сум үүсэн байгуулагдсан архивын хуулбарыг, Талархал, орон нутгийн бүтээн байгуулалтад зориулах нэг зуун сая төгрөгийн батламжийн хамт гардуулан өглөө. Атар газрын анхны шан татсан Түшиг нутгийн арав арван жилийн алтан намрын талбайд эх орон элгэн түмнээ экологийн цэвэр хүнсээр хангах тариа буудай сугсран байна. Өнөө ч энэхүү эрхэм үүргээ Түшигчүүд нэр бүтэн биелүүлсээр яваа. Лаврын Сумъяа бэйсийн түүхэн улбаат энэ нутагт "Хөхөө гэрлэх дөхлөө" кино хийгдэж олон олон залуусыг урин дуудаж байв. Атраар овоглож, алдраа мөнхөлсөн Зэлтэрийн САА-Түшиг сумтай ажил амьдралаараа холбоотой бүх хүмүүстээ түүхт 100 жилийн ойн мэндийг өргөн дэвшүүлье.