Жендэрийн үндэсний хороо нь Азийн хөгжлийн банкны дэмжлэгтэйгээр “Уур амьсгалын өөрчлөлтийг даван туулах болон жендэрийн мэдрэмжтэй бодлогоор дамжуулан хөдөөгийн эмэгтэйчүүд, охидын жендэрийн тэгш байдлыг сайжруулах нь” техник туслалцааны төслийг манай аймагт хэрэгжүүлж байгаа билээ. 

Уг төслийн дэмжлэгтэйгээр хэрэгжиж байгаа Хүнс хөдөө аж ахуй, хөнгөн үйлдвэрийн салбарын жендэрийн бодлогын хэрэгжилтийн үнэлгээг танилцуулах, хөдөөгийн тариаланч, малчин эмэгтэйчүүдийг чадавхжуулахаар сонгон шалгаруулсан жижиг бизнесийн үйл ажиллагаанд үнэлгээ хийх зорилгоор Жендэрийн үндэсний хороо, Азийн хөгжлийн банк, төслийн хяналт, шинжилгээ, үнэлгээний зөвлөх баг, медиа багаас бүрдсэн ажлын хэсэг манай аймагт ажиллаж байна. 

Энэ хүрээнд аймгийн ЗДТГ-т ажиллаж “Хүнс хөдөө аж ахуй, хөнгөн үйлдвэрийн салбарт жендэрийн талаар баримтлах бодлогын үнэлгээ”-ний талаар танилцуулав. 

Ажлын хэсгийн бүрэлдэхүүн үдээс хойш Баянчандмань суманд ажиллаж бичил, жижиг бизнес эрхлэгчидтэй уулзах бол маргааш Жаргалант суманд ажиллах юм.