"Астана-2024" Дэлхийн нүүдэлчдийн V наадам Казахстан улсын нийслэл Астана хотод есдүгээр сарын 8-13-ны өдрүүдэд болж, 89 орны 2700 орчим тамирчин спортын 21 төрөлд 97 багц медалийн төлөө өрсөлдлөө. 

Харин манай улсаас 115 тамирчин,  дасгалжуулагч шүүгч албаны хүмүүсийн бүрэлдэхүүнтэй спортын 16 төрөлд 66 тамирчин өрсөлдөж, таван мөнгө, арван хүрэл медаль хүртсэн амжилт гаргалаа. 

Тус наадамд манай аймгаас 54 хүний бүрэлдэхүүнтэй өргөн бүрэлдэхүүнтэй баг тамирчид, дасгалжуулагчид, шүүгч нар улсаа төлөөлөн оролцож, бахтам амжилт гаргаж эх орныхоо алтан соёмбот далбааг Казахстан Улсын тэнгэрт мандууллаа. 

Үүнд: 

Морьт барилдааны спортын төрөлд Ж.Бахытжан мөнгөн медаль, М.Наурызбек, Ш.Харжаубай Е.Өмиртай нар хүрэл медаль

Тенге илу /мөрөн дээрээс зоос шүүрэх /спортын төрөлд С.Женисбек, М.Наурызбек нар мөнгөн медаль

Асых ату буюу /Шагайн харваа/ эмэгтэй багийн төрөлд Н.Оналган, М.Шүкир, Н.Роза, Д.Күннур нар хүрэл медаль

Тогыз хумалах/Есөн хоргол / оюуны спортын багийн төрөлд Т.Жансая, Х.Хуралай, Х.Ерманат, Р.Жасулан хүрэл медаль

Овари оюуны спортын багийн төрөлд Х.Ерманат, Т.Хайбар, Б.Айкүмис, Т.Жансая нар хүрэл медаль тус тус хүртлээ. 

Баян-Өлгий аймгаас Улсаа төлөөлөн оролцсон багийн ахлагчаар БТСГ-ын дарга Х.Хайнар ажиллсан бол Улсаа төлөөлөн спортын төрөлүүдийг хариуцсан багийн ахлагчаар А.Ром, Ж.Нурбек, Т.Медеухан, Д.Ербол, З.Ханат нар

Улсаа төлөөлөн спортын төрөлүүдийг хариуцсан багийн дасгалжуулагчид С.Менгельс, А.Хайрат, Б.Бахытжан, Б.Еркинбек нар

Улсаа төлөөлөн спортын төрөлүүдийг хариуцсан багийн шүүгчээр Х.Заманбек, Б.Бекжан, Д.Ербол, А.Асылхан нар тус тус ажиллаа. 

Дараагийн наадам 2026 онд Киргизстан улсад болохоор тогтов.