АЙМГИЙН ХҮНС, ХӨДӨӨ АЖ АХУЙН ГАЗРЫН ДАРГААР Н.ПҮРЭВСАЙХАН ТОМИЛОГДЛОО

Аймгийн Засаг даргын захирамжаар Хүнс, хөдөө аж ахуйн газрын даргаар Н.Пүрэвсайхан томилогдож, өнөөдрөөс /2025.07.23/ үүрэгт ажлаа хүлээн авлаа. 

Аймгийн дотоод нийт бүтээгдэхүүний 65 хувийг хөдөө аж ахуйн салбар бүрдүүлдэг бөгөөд газар тариалан, мал аж ахуй, үйлдвэрлэл үйлчилгээний салбарт ахиц гаргаж, шинэ санаачилга, бүтээлч сэтгэлгээгээр салбартаа манлайлж, гадаад дотоодын хөрөнгө оруулалтыг татаж аймгийн ДНБ-ийг өсгөж ажиллахыг аймгийн удирдлагууд онцлон захисан юм. 

Н.Пүрэвсайхан нь төрд 15 жил, үүнээс удирдах албан тушаалд 13 жил ажилласан туршлагатай боловсон хүчин юм. Хүнс хөдөө аж ахуйн сургуулийн харьяа Булган аймаг дахь Политехникийн коллежийн захирлаар ажиллаж байх хугацаандаа гадаадын хөрөнгө оруулалтаар олон төсөл хөтөлбөрийг амжилттай хэрэгжүүлсэн.