Монгол төрийн мэргэн сайд, Чингис хааны алтан ургийн тайж, Булган аймгаа байгуулсан, БНМАУ-ын Ерөнхий сайд асан Агданбуугийн Амарын мэндэлсний 140 жилийн ойд зориулсан үзэсгэлэн Монголын Үндэсний музейд эхэллээ.

 Эл үзэсгэлэнд түүний эдэлж хэрэглэж байсан нүдний шил, бичгийн ширээ, дээл, гар бичмэлүүд, Ардын хувьсгалын 7 жилийн ойд Ерөнхий сайд байхдаа хэлсэн үг, Булган аймгаа байгуулсан тогтоол тэргүүтэй олон чухал баримтууд дэлгэгдлээ. 

Үзэсгэлэнг цаашид Булган, Орхон аймгуудад олны хүртээл болгох юм.