Орон нутгийн хөгжлийн төв байгуулах үйлдвэрлэл үйлчилгээний төслийн танилцуулга хийлээ

“Орон нутгийн хөгжлийн төвд хөдөө аж ахуйн нөөцөд тулгуурлан үйлдвэрлэл, үйлчилгээ, бирж, тээвэр логистикийн цогцолбор байгуулах техник-эдийн засгийн үндэслэл боловсруулах” нь тендерт “Системийн динамик загварчлал” төрийн бус байгууллага шалгаран судалгааны ажил явагдаж байна. Тус төрийн бус байгууллагын төлөөлөл аймгийн удирдлагуудад төслийн явцын танилцуулга хийж, санал авах ажлыг зохион байгууллаа. Уулзалтад аймгийн Засаг дарга Д.Пүрэв-Очир, аймгийн Засаг даргын орлогч О.Ундрах, Бүс, орон нутгийн хөрөнгө оруулалт, бодлого төлөвлөлтийн хэлтсийн дарга Г.Гантулга орон нутгийн хөгжлийн төвөөр сонгогдсон сумдын удирдлагууд оролцож холбогдох саналаа гүйцэтгэгч компаний төлөөлөлд хэллээ.