Аймгийн Засаг даргын 2024-2028 оны үйл ажиллагааны хөтөлбөрийн “Багшийн хөгжил хөтөлбөрийг үргэлжлүүлнэ” зорилтын хүрээнд аймгийн ЕБС, СӨБ-ын багш нарын мэргэжил, ур чадварыг сайжруулах сургалт судлагдахуун бүрээр зохион байгуулагдаж байгаа.
Монголын Мастер тогоочдын холбоотой хамтран Хүүхдийн цэцэрлэгийн ахлах тогооч, туслах тогооч нарын мэргэжил, ур чадварыг дээшлүүлэх сургалтыг энэ сарын 20-оос 26-ны өдрийг дуустал 7 хоногийн хугацаанд зохион байгуулж байна. Сургалтад Архангай аймгийн Хүүхдийн цэцэрлэгийн 59 ахлах болон туслах тогооч хамрагдаж байна.
Тогооч нарын сургалтыг Монголын Мастер тогоочдын холбооны гүйцэтгэх захирал Б.Өнөрзул удирдан явуулж, орчин үеийн дэвшилтэт технологиор эрүүл, илчлэг шим тэжээлтэй, шинэлэг хоол ундааны төрлүүдийг зааж, хүүхдийн хоолны шим тэжээлийг сайжруулах, хоол үйлдвэрлэлд эрүүл ахуйн болон үйлдвэрлэлийн зохистой дадлыг мөрдөж хэвших зэрэг ур чадварыг эзэмшүүлэн, сургалтын төгсгөлд төгсөгчдөд мэргэжлийн үнэмлэх, сертификат олгох юм.
