11 САРЫН 03-07-НЫ ӨДРҮҮДЭД АЙМГИЙН ХЭМЖЭЭНИЙ ТӨРИЙН БАЙГУУЛЛАГУУД НЭЭЛТТЭЙ ХААЛГАНЫ ӨДӨРЛӨГ ЗОХИОН БАЙГУУЛНА 

Баянхонгор аймгийн болон сумдын бүх төрийн байгууллагууд 2025 оны 11 дүгээр сарын 03-наас 11 дүгээр сарын 07-ны өдрийн хооронд “Иргэдээ сонсож, шийдье” нээлттэй хаалганы өдөрлөгийг зохион байгуулах гэж байна.
Энэхүү өдрүүдэд дараах үйл ажиллагааг хэрэгжүүлнэ. Үүнд:
• Байгууллага бүр өөрийн чиг үүрэг, үйл ажиллагаа, ил тод байдалтай холбоотой мэдээллийг олон нийтэд нээлттэй танилцуулж, иргэдийн санал хүсэлтийг шуурхай шийдвэрлэн ажиллана.
• Албан хаагч бүр хууль, эрх зүй болон албаны чиг үүрэгтэй холбоотой бусад зөвлөгөө, мэдээлэл, үйлчилгээ үзүүлнэ.
• Иргэдийн өргөдөл, гомдол, санал хүсэлтийг газар дээр нь хүлээн авч шийдвэрлэх ажлыг зохион байгуулна.
• Төрийн байгууллагын цахим үйлчилгээний хэрэглээг нэмэгдүүлэх зорилгоор сургалт, сурталчилгаа явуулна.
• “Иргэний үг” цахим индрийг ажиллуулж, иргэдийн саналыг цахимаар хүлээн авна.
• Авлигын эсрэг соён гэгээрүүлэх, нөлөөллийн үйл ажиллагааг өрнүүлнэ.
• Байгууллагын албан ёсны цахим хуудас, мэдээллийн сувгуудыг иргэдэд танилцуулж, үйлчилгээ авах боломжийг нэмэгдүүлнэ.
Нээлттэй хаалганы өдөрлөгийн нээлт 2025 оны 11 дүгээр сарын 03-ны өдөр аймаг, сумын төрийн байгууллага бүр дээр зэрэг зохион байгуулагдах тул иргэд та бүхэн өргөнөөр оролцож, төрийн үйлчилгээг нэг дороос шууд авах боломжтой болно.
Иргэн таны идэвхтэй оролцоо төрийн бодлого, үйлчилгээг илүү сайжруулахад чухал нөлөө үзүүлэх болно. 

ХАМТДАА ШИЙДЬЕ