Аймгийн Гэмт хэргээс урьдчилан сэргийлэх ажлыг зохицуулах салбар зөвлөл, Дархан сумын ЗДТГ-аас анхан шатны нэгж дээр үүрэг хүлээн ажилладаг хамтарсан багийн гишүүдийг болон сургууль цэцэрлэгийн хүүхэд хамгааллын багийн гишүүдийн мэдлэг, ур чадварыг нэмэгдүүлэх, эрсдэлтэй нөхцөлд байгаа иргэн, гэр бүл, хүүхэд рүү чиглэсэн үйлчилгээний чанар, хүртээмжийг мэргэжлийн байгууллагуудын оролцоотойгоор сайжруулах, чадавхжуулах 2 өдрийн дадлага сургуулийг зохион байгуулж байна.
Сургуулилтын хүрээнд эхний өдөр багийн гишүүд онолын мэдлэгээ дээшлүүлсэн бол өнөөдөр өгөгдсөн цагийн байдал, кэйс дээр ажиллаж практик дадлага сургууль хийж байна.
Дархан-Уул аймгийн хэмжээнд нийт 26 хамтарсан багийн 198 гишүүд ажилладаг. Гишүүдэд арга зүйн зөвлөгөө авах, мэдлэг ур чадвараа тасралтгүй нэмэгдүүлэх хэрэгцээ, шаардлага нэлээдгүй байдаг. Энэхүү сургалт нь оролцогчдын чадавхыг бэхжүүлэх, хоорондын уялдаа холбоог сайжруулахад ихээхэн ач холбогдолтой.
