Хөвсгөл аймгийн Засаг даргын санаачилгаар аймгийн Засаг даргын Тамгын газрын Нийгмийн бодлогын хэлтэс, Эрүүл мэндийн газар, Шүдний мэргэжилтний холбоо, Боловсролын газар, Ерөнхий боловсролын “Дэлгэрмөрөн” цогцолбор сургууль хамтран “Эрүүл шүд” аяныг амжилттай зохион байгуулж өндөрлөлөө. Тус аяны хүрээнд 2025 оноос эхлэн аймгийн Засаг даргын Тамгын газар “Эрдмийн далай”, “Сод эрдэм”, “Дэлгэрмөрөн” ерөнхий боловсролын сургуулиудтай хамтран 1-3 дугаар ангийн сурагчдын дунд шүд угаах дадлыг хэвшүүлэх зорилгоор нөлөөллийн ажлуудыг үе шаттай хэрэгжүүлж ирсэн. Аяны үйл ажиллагааг дэмжин орон нутгийн төсвөөс 10.0 сая төгрөгийн санхүүжилтийг шийдвэрлэн ажилласан байна. “Эрүүл шүд” аяны хүрээнд сурагчид, багш, эцэг эхчүүдийн оролцоог ханган, амны хөндийн эрүүл мэндийг дэмжих, зөв дадлыг төлөвшүүлэхэд чиглэсэн олон талт арга хэмжээг зохион байгууллаа. Аяны үйл ажиллагаанд идэвх, амжилттай оролцож “Шилдэг анги”-аар шалгарсан: Л.Содгэрэл багштай 3Б анги Б.Мөнхбат багштай 2В анги Б.Батхишиг багштай 1Б ангийн хамт олонд баяр хүргэе. Мөн тус аянд идэвхтэй оролцсон нийт багш, суралцагчид, эцэг эхчүүдэд талархал илэрхийлье. Шүд эрүүл бол бие эрүүл.
