![Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүхийн ивээл дор төрийн цэргийн болон хууль сахиулах байгууллагуудын ахлагчдын чуулга уулзалт Завхан аймагт болж байна | HuduuMN](https://huduu.mn/media/4025/conversions/lqZrjaLPrj5aOEgmxX0oMwMOAV5zI2-metaNDU4NDUzMDE0XzExODI2NzU1MjY1NTM4NTlfOTE1NTA0MDEzODQ2MDIyMDc2MV9uLmpwZw==--thumb.jpg)
ЗАВХАН АЙМГИЙН ЦАГДААГИЙН ГАЗРЫН ШИНЭ БАЙРНЫ ШАВЫГ ТАВИЛАА Аймгийн Цагдаагийн газрын шинэ байрны шав тавих ёслол өнөөдөр /2024.06.09/ боллоо. Ёслолын арга хэмжээнд аймгийн Засаг дарга Г.Өнөрбаяр, Монгол Улсын Гавьяат хуульч, Хошууч генерал Д.Сандаг-Очир, аймгийн Цагдаагийн газрын дарга, цагдаагийн дэд хурандаа Н.Отгонжаргал тэргүүтэй зочид, аймгийн Цагдаагийн газрын удирдлагууд, ахмадууд, алба хаагчид оролцлоо. Шинэ байрны шав тавих ёслолын үеэр Монгол Улсын ЗГХЭГ-ын дарга Д.Амарбаясгалангийн зөвлөх, Авто тээврийн үндэсний төвийн дарга Б.Гүрсоронзон Улсын Онцгой комиссын шийдвэрээр тус Цагдаагийн газарт туулах чадвар бүхий NISSAN PATROL Y61 маркийн машиныг гардуулан өгөв. Улсын төсвийн 5 тэрбум төгрөгийн хөрөнгө оруулалтаар баригдах уг барилгын гүйцэтгэгчээр “Дэлгэрэх төгс хийц” компани ажиллах ба барилгын ажил энэ сарын 27-ны өдрөөс эхэлнэ. Шинэ байр 3 давхар, 50 албан өрөө, 100 алба хаагчийн багтаамж бүхий хурлын танхим, 6 машины дулаан граж, бялдаржуулах танхим, зэвсэг хэрэгсэлийн агуулах бүхий стандартад нийцсэн байр юм. Аймгийн Засаг дарга Г.Өнөрбаяр шав тавих арга хэмжээний үеэр:
- УИХ-ын гишүүн Ц.Цэрэнпунцаг, Б.Баярсайхан нарын санаачилгаар 2024 онд Завхан аймагт Улсын төсвийн хөрөнгө оруулалтаар 50 төсөл арга хэмжээ шинээр болон үргэлжлэн хэрэгжинэ. Үүний нэг нь өнөөдөр нээлтээ хийж буй Цагдаагийн газрын шинэ барилга юм. Цаашлаад тус Цагдаагийн газрыг авто граж, спорт цогцолбортой болгох зорилтыг тавьж, Засаг даргын хувьд ажил хэрэг болгох талаар онцгой анхаарна” гэлээ. Шинэ байр 2025 оны сүүлчээр ашиглалтад орно.