Адуун өв соёлыг сурталчлах, адуун өв соёлыг түгээн дэлгэрүүлэх зорилгоор “Тамганы баяр”-ын ёслолын арга хэмжээг 2024 оны 09 дүгээр сарын 6-ны өдөр “Малх” багийн төвд амжилттай зохион байгууллаа. Тус арга хэмжээнд Сүмбэр сумын 4 дүгээр багийн иргэн Монгол улсын Манлай уяач Чойжмаагийн Цэрэндэжид агсны “Эрдэнэ” тамгыг түүний отгон хүү Аймгийн Алдарт уяач Мөнхпүрэв, Мөн Сүмбэр сумын 6 дугаар багийн иргэн Монгол улсын Алдарт уяач Галтын Цэвээндорж агсны “Чойндон” тамгыг түүний хүү Батсүх нар дарж, 1998 оноос хойш Аймгийн алдарт уяач цол авсан ахмад уяачдын тамгаар тэргүүлэн дарж өв соёлоо үлдээх ажлыг эхлүүллээ. Ёслол хүндэтгэлийн тус арга хэмжээнд аймгийн Алдарт уяач цолтой 46 уяачийн тамга болон сүмбэр сумын 91 уяачийн тамгыг даруулан өв соёлоо үлдээх ажлыг эхлүүллээ. 

Тамгаа үлдээсэн “Адуун өв соёл 2024” хаяг бүхий эсгий хэвлэл Сүмбэр сумын Засаг даргын Тамгын газрын 2 давхарт байрлах тул эрхэм уяач та бүхэн тамгаа даран өв соёлоо үлдээх боломжтой. Мөн Тамганы баярт оролцсон эрхэм хүндэт уяач та бүхний нэрсийг бүртгүүлсэн дарааллаар оруулж байгаа тул өөрсдийн овог нэр, тамганы нэр зэргийг хянан 89104909 дугаарын утасруу залгаж алдаатай мэдээллийг залруулна уу. 

Эрхэм уяач, малчид та бүхнийг морины босоо цагаан хийморь үргэлж ивээж явах болтугай.