Монгол Улсад урт хугацааны хөгжлийн бодлого “Алсын хараа 2050”, “Шинэ сэргэлтийн бодлого”, “Бүсчилсэн хөгжлийн үзэл баримтлал” зэрэг бодлогын баримт бичгүүд, аймгийн Засаг даргын 2024-2028 оны үйл ажиллагааны хөтөлбөрийн хүрээнд Соёлын биет ба биет бус өвийг хамгаалах, соёлын өвд суурилсан шашны аялал жуулчлалыг хөгжүүлэх, Завхан аймагт баруун бүсийн төв музейг барьж байгуулах зэрэг зорилтууд, соёлын салбарыг дэмжсэн олон арга хэмжээнүүдийг тусгасан. 

Завхан аймагт шашны аялал жуулчлалыг хөгжүүлэхэд соёл урлагийн байгууллагуудын нөлөөлөл, үүрэг оролцоо өндөрт тавигдаж байна.  Тиймээс соёлын байгууллагууд хамтран ажиллах, алдаа зөрчлөө арилгах, соёлын өвийн нэгдсэн бүртгэл мэдээллийн санг сайжруулах, салбарт хэрэгжиж буй бодлого төлөвлөлтөө нэгтгэх зэрэг олон зорилгын хүрээнд зөвлөгөөн зохион байгуулж байна.

Зөвлөгөөнийг аймгийн Засаг даргын орлогч Д.Уужимсанаа нээж үг хэллээ. Тэрээр Тэлмэн сумын “Өлзий хутаг арвижих” хийдийг сэргээн засварлаж ашиглалтад оруулсан тус сумын Соёлын төвийн дарга МУСТА П.Энхжаргалын “Хөдөлмөрийн хүндэт медаль”-ийг гардуулан өгч баяр хүргэв.

Мөн Их-Уул сумын харьяат, Төрийн уран бичээч Б.Алтантуяа болон Завхан аймгийн уран бичээчдийн үзэсгэлэн, Б.Явуухулангийн нэрэмжит Төв номын сангийн шинэ болон тухайлсан номын танилцуулга явагдаж байна. 

Зөвлөгөөн 2 өдөр үргэлжилнэ.