Чойр хотын нутаг дэвсгэрт хүрээлэн буй орчин, хүн амын эрүүл мэндэд хог хаягдлаас үүсэх сөрөг нөлөөллийг бууруулах, эрүүл, аюулгүй орчинд амьдрах нөхцөлийг бүрдүүлэх зорилгоор аймгийн хэмжээнд иргэн, аж ахуйн нэгж, байгууллагуудыг хог хаягдлыг ангилан ялгах дадалд суралцуулах, дахивар хог хаягдлыг дахин боловсруулах орчны бохирдлыг бууруулах, хог хаягдлыг эдийн засгийн эргэлтэд оруулах үйл ажиллагааг дэмжих, олон нийтийг хог хаягдлаа ангилан ялгах дадал хэвшилд уриалах, мэдлэг олгох чиглэлээр "Ти Эм Эл Пластик" дахин боловсруулах үйлдвэртэй олон талт хамтын ажиллагааны санамж бичиг байгууллаа.
Хамтын ажиллагааны хүрээнд:
Чойр хотын хэмжээнд хуванцар хог хаягдлыг эх үүсвэр дээр ангилан ялгаж эдийн засгийн эргэлтэд оруулах ажлыг хамтран хэрэгжүүлэх
Дахин боловсруулах боломжтой хуванцар хог хаягдлыг төвлөрүүлэх, төвлөрүүлсэн цэгээс тээвэрлэн боловсруулах үйлдвэрт хүргэх
Хог хаягдлын менежментийг сайжруулахад чиглэсэн үйл ажиллагааг харилцан тохиролцож хамтран хэрэгжүүлэх.
Сургуулийн насны хүүхдүүдэд чиглэсэн хог хаягдал, түүнийг дахин боловсруулах талаар мэдлэг олгох ба аян, зохион байгуулах.
"ХУВАНЦАРЫН ХАЯГДАЛГҮЙ ЧОЙР ХОТ"
