ОТГОНТЭНГЭР ХАЙРХНЫ ТЭНГЭРИЙГ ТАХИХ ТӨРИЙН ТАХИЛГЫН ЁСЛОЛД ЗОРИУЛСАН “НҮҮДЭЛЧИН ОТОГ” АРГА ХЭМЖЭЭ БОЛЖ БАЙНА

Тахилгын ёслол болох 2 өдрийн туршид үргэлжлэх “Нүүдэлчин отог” арга хэмжээний хүрээнд:

-Үндэсний сурын харваа, 

-Үндэсний шагайн харваа, 

-Уламжлалт мал аж ахуй, ёс заншилтай танилцах, 

-Монгол Улсын уран хатгамалч Б.Мөнхтуяагийн гэр үзэсгэлэн, 

-Соёлын бүтээлч үйлдвэрлэлийн үзэсгэлэн худалдаа, 

-Морь тэмээ унуулах үйлчилгээ, 

-Уран зураг худалдаа, фото зураг авах үйлчилгээ, 

-“Отхан” язгуур урлагийн тоглолт, 

-Соёлын биет бус өвийг өвлөн уламжлагчдын тоглолт  зэрэг арга хэмжээнүүд багтаж байна.

Үндэсний сурын харваанд Улаанбаатар, Эрдэнэт, Дархан, Өвөрхангай, Дархан-Уул, Орхон, Өмнөговь, Говь-Алтай, Ховд аймгийн 88 харваач цуваа харваа төрлөөр цэц мэргэнээ сорьж байна.

Харин Үндэсний шагайн харваанд багийн харваа төрлөөр 20 багийн 160 харваач цэц мэргэнээ сорьж байна.